13:44 Скайп на эсперанто | |
da membroj de la asocio Espéranto-Vendée partoprenis unuafoje en eksperimento kiu konsistis rilatigi, per aŭdvida tekniko Skajpo (Skype <http://www.skype.com/>), lernantojn de la kursoj kun Esperanto-parolantoj el Japanio, Ĉinio kaj Brazilo. Tion faciligis la fakto ke unu el la respondeculoj de la Kibercentro (Cybercentre de la Roche-sur-Yon) iam interesiĝis pri Esperanto kadre de informkunveno de Espéranto-Vendée okazinta antaŭ pli malpli dek jaroj. Lia helpemo estis tre valora kaj kontribuis al tiu sukceso. La unuaj interparolantoj estis s-ino Miwa GOTO, el urbo proksima de Osako, Japanio, kaj ŝia amikino Mineko JOŜIKAŬA. Poste sekvis An DEŜUN (videbla ĉe Foto-albumo <http://www.esperanto.co.kr/bbs/zboard.php?category=&desc=asc&exec=&id=gallery&keyword=cxina&page=1&page_num=20&sc=on&select_arrange=headnum&selected=&sn=off&ss=on&x=1&y=1> de ĉinaj esperantistoj), prezidanto de Esperanto-asocioj de Pekino. Simpatia, kaj eĉ humura kun An Deŝun, estis la dialogo. Tiu ĉi unua sperto entuziasmigis kaj stimulis la partoprenintojn. Bedaŭrinde, pro nekonata kialo, planita kontakto ne estis ebla kun Lucià Marder (pseŭdonomo Karesema <http://www.ipernity.com/home/karesema>) el Porto Alegre (Brazilo), kiu jam en 2007 travivis similan tre belan sperton kun infanoj de ĉina lernejo (foto 1 <http://www.ipernity.com/doc/karesema/881046?from=881046&at=1193108299>, foto 2 <http://www.ipernity.com/doc/karesema/881040?from=881046&at=1193108299>). Baldaŭ aperos sur la retejo de Espéranto-Vendée <http://esperanto-vendee.asso-web.com/>, kun fotoj kaj kopio de gazetartikolo el "*Ouest-France*", raportoj, kiujn redaktis en tri grupoj, dek lernantoj partoprenintaj en la eksperimento : Albert, Viviane, Cécile kaj Gérard; Joseph, Chantal kaj Jean-Claude; Marie-Claire, Martine kaj Bernadette. Estas dezirinde ke tiaj eksperimentoj plimultiĝu. Ili ebligas al ĉiuj lernantoj longegajn virtualajn vojaĝojn tra la mondo kaj kontribuas al plifortigo de ilia konvinkon pri la valoro, intereso kaj utileco de Esperanto. Tro malfrua kontakto kun anglalingvaj landoj, cele montri ke Esperanto estas ankaŭ tie uzebla, malebligis organizi plian interŝanĝon. La horardiferenco (plus 8 kaj 7 horoj kun respektive Japanio kaj Ĉinio; minus 5 aŭ 4 horoj depende de la sezono kun Brazilo) povas starigi problemon. Por eventuala estonta sama interŝanĝo, ĉi foje panamerika, bonvenaj estos proponoj hispane- portugale- kaj angle-parolantaj landoj de la tuta kontinento. | |
|
| |
| Всего комментариев: 4 | ||||
| ||||
0
